ਤਾਜਾ ਖਬਰਾਂ
ਭਾਰਤ ਵਿਰੁੱਧ ਪਹਿਲਾ ਟੈਸਟ ਮੈਚ ਜਿੱਤਣ ਤੋਂ ਬਾਅਦ, ਇੰਗਲੈਂਡ ਦੀ ਟੀਮ ਹੁਣ ਐਜਬੈਸਟਨ, ਬਰਮਿੰਘਮ ਵਿੱਚ 2 ਜੁਲਾਈ ਤੋਂ ਸ਼ੁਰੂ ਹੋਣ ਵਾਲੇ ਦੂਜੇ ਟੈਸਟ ਲਈ ਤਿਆਰ ਹੈ। ਇੰਗਲੈਂਡ ਕ੍ਰਿਕਟ ਬੋਰਡ ਨੇ 26 ਜੂਨ ਨੂੰ ਦੂਜੇ ਮੈਚ ਲਈ 15 ਮੈਂਬਰੀ ਟੀਮ ਦਾ ਐਲਾਨ ਕੀਤਾ, ਜਿਸ ਵਿੱਚ ਸਭ ਤੋਂ ਵੱਡਾ ਨਾਮ ਜੋਫਰਾ ਆਰਚਰ ਦੀ ਵਾਪਸੀ ਦਾ ਹੈ। ਆਰਚਰ ਨੇ 2021 ਵਿੱਚ ਭਾਰਤ ਵਿਰੁੱਧ ਆਪਣਾ ਆਖਰੀ ਟੈਸਟ ਖੇਡਿਆ ਸੀ ਅਤੇ ਉਸ ਤੋਂ ਬਾਅਦ ਸੱਟਾਂ ਕਾਰਨ ਲੰਬੇ ਸਮੇਂ ਲਈ ਟੈਸਟ ਕ੍ਰਿਕਟ ਤੋਂ ਦੂਰ ਰਹੇ।
ਆਰਚਰ ਨੇ ਆਈਪੀਐਲ 2025 ਅਤੇ ਕਾਉਂਟੀ ਚੈਂਪੀਅਨਸ਼ਿਪ ਦੌਰਾਨ ਆਪਣੀ ਫਿਟਨੈਸ ਨੂੰ ਸਾਬਤ ਕੀਤਾ। ਕਾਉਂਟੀ ਮੈਚ ਵਿੱਚ, ਉਹਨਾਂ ਨੇ 18 ਓਵਰਾਂ ਵਿੱਚ ਸਿਰਫ਼ 32 ਦੌੜਾਂ ਦੇ ਕੇ 1 ਵਿਕਟ ਲਈ, ਜੋ ਕਿ ਉਨ੍ਹਾਂ ਦੀ ਗੇਂਦਬਾਜ਼ੀ ਵਿੱਚ ਕਾਬਲੀਅਤ ਅਤੇ ਲੰਮੇ ਫਾਰਮੈਟ ਲਈ ਤਿਆਰੀ ਨੂੰ ਦਰਸਾਉਂਦਾ ਹੈ। ਇੰਗਲੈਂਡ ਦੀ ਟੀਮ ਲਈ ਆਰਚਰ ਦੀ ਵਾਪਸੀ ਇੱਕ ਵੱਡੀ ਤਾਕਤ ਬਣ ਸਕਦੀ ਹੈ, ਖਾਸ ਕਰਕੇ ਲੀਡਜ਼ ਟੈਸਟ ਦੌਰਾਨ ਦਿਖੀ ਗੇਂਦਬਾਜ਼ੀ ਦੀ ਕਮੀ ਨੂੰ ਧਿਆਨ ਵਿੱਚ ਰੱਖਦਿਆਂ।
ਦੂਜੇ ਟੈਸਟ ਲਈ ਇੰਗਲੈਂਡ ਦੀ ਟੀਮ ਵਿੱਚ ਕੋਈ ਵੱਡੀ ਤਬਦੀਲੀ ਨਹੀਂ ਕੀਤੀ ਗਈ, ਸਿਰਫ਼ ਜੋਫਰਾ ਆਰਚਰ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਟੀਮ ਦੇ ਹੋਰ ਮੈਂਬਰਾਂ ਵਿੱਚ ਕਪਤਾਨ ਬੇਨ ਸਟੋਕਸ, ਜੋ ਰੂਟ, ਹੈਰੀ ਬਰੂਕ, ਬੇਨ ਡਕੇਟ, ਓਲੀ ਪੋਪ, ਕ੍ਰਿਸ ਵੋਕਸ, ਜੈਮੀ ਓਵਰਟਨ, ਜੈਮੀ ਸਮਿਥ ਆਦਿ ਸ਼ਾਮਲ ਹਨ। ਇੰਗਲੈਂਡ ਨੇ ਪਹਿਲਾ ਮੈਚ ਜਿੱਤ ਕੇ ਸੀਰੀਜ਼ ਵਿੱਚ ਧੱਕ ਜਮਾਈ ਹੈ ਅਤੇ ਹੁਣ ਉਨ੍ਹਾਂ ਦੀ ਕੋਸ਼ਿਸ਼ ਹੋਵੇਗੀ ਕਿ ਆਰਚਰ ਦੀ ਵਾਪਸੀ ਨਾਲ ਹੋਰ ਮਜ਼ਬੂਤੀ ਮਿਲੇ।
Get all latest content delivered to your email a few times a month.
